A situación actual do mercado laboral fai que a muller que traballa dentro e fóra de casa teña

que buscar o xeito de conciliar a vida laboral coa familiar, por iso a dificultade para conciliar

é un tema que afecta en primeiro lugar ás mulleres. Este feito sucede en toda España, pero no

caso de Galicia estamos falando dun caso particular no que aínda quedan moitas mulleres por

incorporarse á vida laboral e coñecer os medios que ten ao seu alcance para facilitar a

conciliación da vida familiar e laboral.

Grazas á investigación sociolóxica podemos esbozar o panorama actual galego feminino con

respecto ao reto de afrontar a xornada laboral e a familiar, estudando a que grupo han de ir

dirixidas as políticas e a propaganda que se fai das mesmas, para que se faga máis efectivo a

mensaxe que mellore tanto as condicións para conciliar o traballo.

Somos conscientes, ademais, de que non só é tarefa das mulleres conciliar a súa vida laboral

cos quefaceres domésticos —entendidos estes tanto as tarefas propias da administración do

fogar como o coidado das persoas que o compón— por iso, un dos pasos máis importantes

que se ha de dar na sociedade galega é a verdadeira realización da corresponsabilidade entre o

home e a muller, asumindo que cada un deles ten roles diferentes pero complementarios e que

existen tarefas que poden ser desenvolvidas indistintamente tanto polo home como pola

muller.

Persisten certas actitudes que mostran a necesidade dunha maior sensibilización. Así mesmo,

as dificultades cotiás para a conciliación son percibidas en maior grao polas mulleres fronte

aos homes e as dificultades para iso e as súas consecuencias negativas na familia fanse máis

evidentes para as mulleres.

O que nós pretendimos con esta investigación foi realizar un estudo acerca da poboación

feminina galega maior de idade ao cargo dunha familia ou de persoas dependentes ou que

poidan estalo e que traballen, ou desexen facelo, fóra do fogar. Quixemos obter unha

perspectiva real sobre a situación da muller galega que se enfronta ante o reto da conciliación

da súa vida laboral coa familiar.

Para iso comezamos o estudo cun análise demográfico da poboación galega, para así ter unha

perspectiva real sobre a situación da muller galega que se enfrenta ante o reto da conciliación

da súa vida laboral coa familiar. Para iso estudamos variables básicas da poboación femenina,

a composición dos fogares a maila situación do emprego feminino galego.

Seguimos o estudo cun apartado adicado a repasar esquematizar as políticas existentes na

Comunidade Autónoma de Galicia sobre conciliación e corresponsabilidade na repartición de

tarefas, así coma un estudo sobre as leis nacionáis e autonómicas máis actual sobre a materia.

No último apartado estudamos as particularidades do caso galego con respecto á conciliación

mediante o uso de ferramentas sociolóxicas e grazas a mostras específicas tomando datos de

fontes primarias, xa que fomos nós quenes elaboramos o deseño e análise do traballo de

campo. Para elo tivemos en especial consideración o hábitat como variable de influencia e as

redes informais de apoio, a repartición do tempo da muller e o home galegos e as

consecuencias e repercusións dunha mala conciliación da vida familiar e laboral e o seu

impacto na sociedade galega. Tamén quixemos analizar a situación sobre o coñecemento das

medidas de conciliación e tratar de achegarnos a que público han de estar dedicadas as

campañas de sensibilización e coñecemento para así facelas máis efectivas, determinando

cales son os aspectos que hai que estudar para a promoción do coñecemento e uso das

medidas de conciliación. Con este apartado o que tentamos facer foi acadar unhas estimacións

máis correctas da realidade e profundizar no tema da conciliación.